زیارت۔1جون(اے پی پی) وزیراعظم عمران خان وئيلي دي اولس ته زېرے وركوم چې هېواد د سخت وخت څخه رابهر كېږي۔ پخوانو حكومتونو بلوچستان ته پام نه دے كړے۔ مونږ د اتحادي حكومت كېدو باوجود بلوچستان ته په زړه پورې فنډز وركړي٬ د 700 اربه روپو پېكج مو وركړے۔ اوس د سړكونو پېكج وركوؤ۔ زيارت كښې د اېل اېن جي پلانټ لپاره به راروان مالي كال كښې هڅې كوؤ۔ زيارت د سېلګرۍ مركز جوړېدے شي۔ خېبر پختونخوا كښې زمونږ حكومت سېلګرۍ ته وده وركړه چې ورسره روزګار او كاروبار زيات شو۔ هغه د نهې په ورځ قائداعظم ریذیډنسی زیارت كښې دستورې ته خطاب كولو۔ په دې مهال د بلوچستان اعلی وزير جام كمال خان خپل خطاب كښې وزيراعظم ته هركلے اووې۔ وزیراعظم عمران خان ووئيل زه 20 كاله وړاندې زيارت ته راغلے ووم۔ قائداعظم د ژوند آخري ورځې دلته تېرې كړې وې ځكه د دې تاريخي ځاے ليدلو له راغلے يم۔ په دې موقعه هغه د اېف سي شهيدو شوو ځوانانو ته د عقيدت پېرزوئنې وړاندې كولو سره غمجنيو كورنيو له د زغم دعا وكړه۔ وزيراعظم ووئيل د نمو شرح په 4 فيصده كېدو اپوزيشن شور كوي چې دا شمېرې ناسمې دي ٬ په هغوي راله ترس راځي ۔ كله هغوي د حكومت ختمېدو لپاره د درېو مياشتو وخت وركوي او كله د دسمبر نېټه۔ زه اندېښنه لرم چې هغوي به يو ځاے هم پاتې نه شي۔ وزیراعظم ووئيل راروان كال كښې به د نمو شرح نوره زياته شي۔ او دې نه وروستو چې زمونږ حكومت بيا راشي دا به نوره هم مخ په وړاندې لاړه شي۔ وزيراعظم ووئيل پاكستان به پرمختګ ځكه كوي چې لوي څښتن ورته هر ډول نعمتونه وركړي۔ هغه ووئيل زيارت د سېلګرۍ مركز جوړېدے شي۔ دې سره به ځائي وګړو ته آمدن ترلاسه شي۔ روزګار به زيات او بې وزلي به كمه شي۔ هغه ووئيل خېبرپښتونخوا كښې چې كله زمونږ حكومت راغلو نو دغلته ترهګري وه۔ كاروبارونه بند وو۔ خلقو پیښور پرېښودلو او اسلام آباد ته تلل۔ د یو این ډی پی رپورټ له مخې د كال 2013ء نه تر 2018ء خېبر پښتونخوا كښې بې وزلي تندۍ سره كمه شوه۔ د دې زيات سبب سېلګرۍ ته وده وركول وو ځكه چې د روزګار موقعې زياتې شوي۔ ده ووئېل نيمې ودانۍ ته هغه دور كښې او پاتې ودانۍ ته اوس صحت كارډ وركړے شو۔ ډېر زر به ټولو پنجاب ته دا كارډ وركړے شي۔ هغه د بلوچستان وزيراعلی ته اشاره كولو كښې ووئيل كه د خپل اولس خذمت كول دي نو د بلوچستان هرې يوې كورنۍ ته دې صحت كارډ وركړے شي۔ وزيراعظم ووئيل د پاكستان پرمختګ د هېواد د ټولو برخو پرمختګ سره تړلے دے۔ مونږ وروستو پاتې سيمو ته خاص پاملرنه كوو۔ پېل د قبائلي سيمو نه كوؤ او بيا د بلوچستان ٬ لوئيديز پنجاب او د سندھ داخلي سيمو راپورته كولو له ګامونه پورته كوؤ۔ وزيراعظم ووئيل د ټولنې كمزورې طبقې له احساس پروګرام راوړؤ۔ د نيا پاكستان هاؤسنګ پروګرام ترسېوري لاندې كمزورو طبقو لپاره د خپل كور منصوبه مو پېل كړې ۔ اوس د كرايه پیسې به د قسط په صورت ادا كولې شي۔دې نه وړاندې وزيراعظم په يوه ورځنۍ دوره كوئټه او زيارت ته ورسېد۔ د اطلاعات او خپرونو وفاقي وزير چودھری فواد حسېن ٬ ډپټي سپيكر قاسم خان سوري او د قامي اسمبلۍ غړے سردار اسرار ترين هم وزيراعظم سره ملګرے ؤ۔ د كوئټې په هوائي مېدان وزیراعظم ته د بلوچستان وزيراعلې جام کمال خان ٬ چيف سېكرټري او اعلی چارواكو هركلے اووې
هېواد دا مهال د سخت وخت څخه رابهر كېږي۔ بلوچستان ته مو د 700 اربه روپو پېكج وركړے۔ زيارت د سېلګرۍ مركز جوړېدے شي۔ د وزيراعظم عمران خان قائداعظم ریذیډنسی زیارت كښې دستورې ته خطاب
مضمون کا ماخذ : خلائی جنگیں
متعلقہ مضامین
