اسلام آباد 17 اپرېل (اے پي پي) وزيراعظم محمد شهباز شريف د قاچاق په ناوړه دنده كښې د ككړ كسانو په ضد په سمدستي توګه د عملياتو امر كولو سره وئيلي دي چې د هېواد اوسنۍ معاشي وضعه د قاچاق متحمل كېدې نشي، د ذخيره اندوزۍ او قاچاق لپاره د استعمالېدونكو ګودامونو په ضدې دې كاروائي وكړې شي او هېواد ته د اربونو ډالرو زيان رسوٶنكو ته دې سزا وركړې شي۔ دا خبرې ده د ګل په ورځ د لوړې كچې د جاج غونډې مشرۍ په مهال كړې۔ په غونډه كښې په هېواد كښې د چينو٬ غنمو٬ اوړو او يوريا د قاچاق مخنيو لپاره د اقداماتو جاج واخستې ش۔ په غونډه كښې د اېف بي آر٬ داخله وزارت او د قانون نافذ كوونكو ادارو لخوا وزيراعظم د صوبو ترمېنځه صوبو څخه بهر د قاچاق مخنيوي لپاره د اقداماتو نه خبر كړې شو۔ وزيراعظم اړوند چارو ته د چېك پوستو شمېر زياتولو امر وكړو۔ وزيراعظم د قاچاق مخنيوي لپاره سپاركو ته د هېواد د پولو د رئيل ټائم سېټلائټ امېجري او د تګ راتګ د ډېټا وركولو هم امر وكړو۔ وزيراعظم د پنجاب چېف سېكتر ته امر وكړو چې په دې وروستيو كښې نيولې شوې چيني دې دكاندارانو ته وركړې دي او دا خبره دې باور كړې شي چې د حكومت په ټاكلې شوې بيعه دې يعنې (95﴾ روپۍ كيلو دې دا چيني خرڅه كړې شي۔ وزيراعظم د خوراك وزير ته امر وكړو چې هم نن دې د شوګر د اېډوائزري بورډ غونډه راوبللې شي او د ګني د فصل امدادي بيعه كښې وټاكلې شي۔ وزيراعظم په دې ټولو اقداماتو په سختۍ سره د عملدرآمد كولو سره په دوو ورځو كښې رپورټ او د جامع لائحې وړاندې كولو امر وكړو۔ وزيراعظم ووئيل په هېواد كښې د خوراكي توكې د هېواد نه بهر لېږل په هېڅ صورت كښې نشي قبلېدې۔ ده امر وكړو چې د قاچاق په ناوړه دنده كښې د ككړ كسانو په ضد دې په سمدستي توګه عملياتو وكړې شي او په دې لړ كښې دې لائحه عمل په دوه ورځو كښې وړاندې كړې شي۔وزيراعظم د قاچاق مخنيوي پحقله د سستۍ نه په كار اخستو د ناراضګۍ څرګندونه هم وكړه۔ ده ووئيل چې خېبرپښتونخوا او د بلوچستان په پوله ايزو ضلعو كښې دې د چېك پوستو شمېره زياته كړې شي او په نړيوال بارډر دې د ښه شهريت ايماندار چارواكي تعينات كړې شي او د كرپټ او په قاچاق كښې د ككړ كسانو اخوا كولو په مهال دې هېڅ ډول فشار قبول نه كړې شي۔ ده امر وكړو چې د قاچاق مخنيوي لپاره دې ضروري قانون سازۍ لپاره مسوده زر تر زره وړاندې كړې شي او اېنټي سمګلنګ كورټس دې په سمدستي توګه فعاله او موثره كړې شي او په دې كښې دې د ښه شهريت ججز سره سره د پراسيکيوټرز په شمېره كښې هم اضافه وكړې شي۔ ده د صوبو چيف سېكترانو ته امر وكړو چې په پوله ايزو |ضلعو كښې دې د خوراك د طلب اعشاريے وركړې شي دغسې چې په دغه ضلعو كښې رسد د حد نه زيات نشي۔په غونډه كښې وفاقي وزيرانو رانا ثناء الله، مخدوم مرتضيٰ محمود، طارق بشير چيمه، د وزيراعظم سلاحكار احد چيمه، د اړوند ادارو او قانون نافذ كوونكو لوړ پورو ګډون كړې او دې سره سره د څلورو واړو صوبو چيف سېكترانو د وېډيو لنك د لارې په غونډه كښې ګډون كړې
د وزيراعظم محمد شهباز شريف په مشرۍ كښې د لوړې كچې غونډه٬ د قاچاق په ناوړه دنده كښې د ككړ كسانو په ضد د عملياتو امر
مضمون کا ماخذ : میگا سینا پریمیو
متعلقہ مضامین
