اسلام آباد 16 جولائي (اے پي پي) د اطلاعات او خپرونو وفاقي وزير سېنېټر شبلي فراز وئيلي دي د هاٶسنګ منصوبې سره به معاشي هلې ځلې وده ومومي، د ملازمتونو به پراخه موقع رامخې ته شي، بې وسه او د لږ آمدن لرونكي كسان به د خپل كور خاوندان شي، په تعميراتي څانګه كښې د 400 اربه روپو پروژې پېل كوٶنكې يو، سرمايه كارو لپاره د سږ كال تر پائې دې اسانيو څخه د ګټې پورته كولو موقع ده، دهاٶسنګ منصوبې په لار كښې ولاړ خنډان لرې كولو لپاره د جامع لائحې د لارې ګامونه پورته كوٶ۔ د دې خيالاتو څرګندونه ده د زيارت په ورځ د غربت تخفيف او احساس پروګرام لپاره د وزيراعظم خاص مرستيالې ډاکټر ثانيه نشتر سره كنفرنس ته وكړه۔ سېنېټر شبلي فراز ووئيل د كرونا په سوب اولس ھغه تكليفونه نه دي ليدلي كوم چې د نورو هېوادونو اولس ليدلي۔ ده ووئيل د كرونا نه وړآندې معاشي وضعه ښه وه خو د وائرس په سوب په معيشت اغېز وشو٬ د اولس خېرښګړې او دوي ته سهولتونه وركولو ته حكومت پام لرنه كوي ۔ده ووئېل د وباء په مهال حكومت اولس د ستونزو نه ساتلو لپاره عزم لرلو۔ ده ووئيل د قامي رابطه كمېټۍ غونډو مقصد د ټولو څانګو تر مينځه روابط قوي كول دي۔ د وزيراعظم په مشرۍ كښئ د قامي رابطه كمېټۍ غونډه كښې د هېواد نوموړو سرمايه كارو عقيل کريم ډھيډي، عارف حبيب، حسن بخشي او د محسن سبحاني پشمول نورو ګډون كړے ۔ده ووئېل په غونده كښې د اسټېټ بېنك پشمول د ټولو اړوندو ادارو نمائندګنو هم ګډون كولو۔ په غونده كښې د هاٶسنګ منصوبې په تناظر كښې د ټېكس پشمول په نورو چارو بېلا بېل تجويزونه وركړے شوي۔ وفاقي وزير ووئيل د معيشت اثرات په مېنځنۍ طبقه او په بې وسه خلقو زيات پرېوځي٬ د وزيراعظم عمران خان د اقداماتو محور په معاشي توګه كمزورې او مډل طبقه ده۔ده ووئېل په ټولو پاليسو كښې بې وسه طبقو ته پاملرنه شوې ۔ ده ووئيل په تعميراتي څانګه كښې ترقي د وخت ضرورت دے ٬ د دې څانګې پرمختګ سره به د نورو اړوندو څانګو هلې ځلې وده ومومي او د دې منصوبې بشپړېدو سره به بې وسه خلق د كورونو خاوندان شي۔ سېنېټر شبلي فراز ووئيل د دې منصوبې له مخې بهر هېوادونو كښې مېشته پاكستانو سرمايه كارو ته به د سرمايه كارۍ موقعې وركولے شي او د ستونزو حل لپاره به ون ونډو آسانۍ وركولے شي۔ده ووئېل دا منصوبه د هېواد بې سه اولس لپاره مهمه ده ځكه دې سره به نه يوازې دوي ته كورونه ترلاسه شي بلكې د ملازمت پراخه موقعې به هم راپېدا شي۔
د هاٶسنګ منصوبې سره په معاشي هلې ځلې وده ومومي، د ملازمتونو به پراخه موقعې رامخې ته شي، بې وسه او لږ آمدن لرونكي كسان به د خپل كور خاوندان شي
مضمون کا ماخذ : comprar raspadinha
متعلقہ مضامین
