اسلام آباد 05 مئي (اے پي پي) د كشمير پارلماني كمېټې د هند تر قبضې لاندې غېر قانوني كشمير كښې اولس ته د روغتيا بنيادي اسانۍ وركولو لپاره نړيوالې ټولنې او ادارو ته په سمدستي توګه د مداخلې خواست كړے. د كشمير پارلماني كمېټې خاص غونډه د شورو په ورځ د كمېټې چيئرمېن شهريار آفريدي په مشرې كښې وشوه. په غونډه كښې خارجه وزير شاه محمود قريشي، د قامي سلامتيا ضلاحكار ډاكټر معيد يوسف او د وزيراعظم د قامي روغتيا خاص مرستيال ډاكټر فېصل سلطان ګډون كولو. په غونډه كښې په اتفاق سره قرارداد منظور كړے شو چې پكښې ملګرو ملتونو، ډبليو اېچ او او آئي سي آر سي ته وئيلي شوي چې هغه د هند تر قبضې لاندې غېر قانوني جمو كشمير كښې د اولس د روغتيا د خرابېدونكي صورتحال جاج واخلي او د كشميري اولس طبي مرستې لپاره نړيوال انسان دوسته طبي كورېډور تشكيل كړے شي. په غونډه كښې د كمېټې چيئرمېن د هند په غېر قانوني مقبوضه جمو كشمير كښې د خرابېدونكي طبي نظام په اړه يو تفصيلي رپورټ وړاندې كړو او په انساني بنيادونو د نړيوالې ټولنې څخه د مداخلې غوښتنه وكړې شوه. د غونډې نه پس په پي آئي ډي كښې د كمېټې غړو ډاكټر نثار چيمه، ثوبيه كمال خان، اكرم چيمه، زېب جعفر او نورو سره يو ځائ خبري كانفرنس ته په خپله وېنا كښې د كشمير پارلماني كمېټې چيئرمېن شهريار خان آفريدي ووئيل په مقبوضه كشمير كښې يوازې 13 زره لټر آكسيجن پاتې دے كوم چې په اوسني صورتحال كښې ډېر كم دے. ده ووئيل په مقبوضه كشمير كښې د روغتيا صورتحال ورځ تر بلې خرابېږي. ده ووئيل په انساني بنيادونو د نړيوال طبي كورېډور جوړولو خواست د ټول پاكستاني قام لخوا دے ځكه چې د كشمير كمېټي د پاكستان د ټولو سياسي ګوندونو نمائندګي لري.
د كشمير پارلماني كمېټې د هند تر قبضې لاندې غېر قانوني كشمير كښې اولس ته د روغتيا بنيادي اسانۍ وركولو لپاره نړيوالې ټولنې او ادارو ته د مداخلې خواست وكړو
مضمون کا ماخذ : سامرائی کی خوش قسمتی۔
متعلقہ مضامین
