جہلم ۔29جنوری (اے پی پی):وفاقی وزیر ??طلاعات و نشریات چوہدری فواد حسین آکھیے جو مریم نواز تے بلاول دا قد کائنی جو او قومی لیڈر بݨ سڳن ، انہاں کوں مشورہ اے جو او پہلے میئر دا الیکشن لڑن ول قومی س??است اچ آوݨ دا سوچن ، سیاسی نومولود اپݨی س??نئر قیادت کیتے پوزیشنز خالی کرن ، سینیٹ اچ اپوزیش?? کوں شکست دے ب??د ثابت تھی ڳئے جو اے ساریاں جماعتاں رل تے وی عمران خان دے اڳوں ڈھیر ہن نواز شریف اتے اسحاق ڈار ملکی معیشت دا ٻیڑہ غرق کیتے ،اساکوں لٹی پٹی معیشت ورثے اچ ملی اے ، اساں معیشت دی ول بنیاد رکھی، اڄ 100 وݙیاں کمپنیاں دا منافع 929 ارب روپے اے، زراعت سودھے صنعتاں آپݨے پیراں تے کھڑن ، بلوچستان اچ تخریبی کارروائیاں دے پچھوں گہری سازش اے، ساݙے شہید نینگراں دا خون ضائع نہ ویسی ۔ اے ڳال انہاں ہفتے کوں اتھاں پریس کانفرنس توں خطاب کریندے ہوئیں آکھی اے ۔ وفاقی وزیر ??طلاعات بلوچستان اچ پاک فوج دے شہید جواناں دے خاندان نال یکجہتی دا اظہار کریندے ہوئیں آکھیے جو پاک فوج دے بہادر سپاہیاں مادر وطن کیتے آپݨا لہو ݙتے، پاکستان دا ہر بندہ پاک فوج دے شہید نینگراں دا احسان مند اے، اساں انہاں دیاں قربانیاں دا مداوا نی کرسڳدے ، ساݙے نینگراں آپݨے سینے تے گولیاں کھادن ، پوری قوم انہاں شہیداں دے والدین تے انہاں دے خاندان دے رلے کھڑٰی اے ۔ انہاں آکھیے جو بلوچستان اچ تخریبی کارروائیاں دے پچھوں گہری سازش اے،انہاں آکھیے اساں پہلے وی دشمناں کوں نک نال چݨے چٻوائے ہاسے ہݨ وی انہاں دے خلاف کارروائی کیتے پوری طرح تیار ہیسے۔ وفاقی وزیر ??طلاعات آکھیے جو پاکستا?? کوں تروڑݨ دی ڳالکرݨ آلیں کیتے واضح پیغام اے جو پاکستان انشاء اللہ تاقیامت قائم رہسی ۔ دہشت گردی دے خلاف جنگ جاری رکھیسوں ، اپݨے شہید نینگراں دے خون دا پورا حساب ڳھدا ویسی ۔ چوہدری فواد حسین آکھیے جو پاکستان دی معیشت سدھے پاسے ٹردی پئی اے اساں معاشی استحکام حاصل کیتے ، اساکوں لٹی پٹی معیشت ورثے اچ ملی جݙاں عمران خان وزارت عظمیٰ دا حلف چیندے پئے ہن تاں اساں کنے وسائل کائناں ہن معیشت دا حال خراب ہئی ۔ انہاں آکھیے جو نواز شریف اینڈ کمپنی ملکی معیشت دا جیڑھا حشر کیتے ایندی گواہی اوں ویلے دے اپݨے وزیر ??زانہ ݙتی ۔
مریم تے بلاول پہلے میئر دا الیکشن لڑن، انہاں دا قد کائنی جو او قومی لیڈر بݨ سڳن ، سیاسی نومولود اپݨی سینئر قیادت کیتے جاہ خالی کرن ، وفاقی وزیر اطلاعات چوہدری فواد حسین دا پریس کانفرنس توں خطاب
مضمون کا ماخذ : وائکنگز گو برزرک
متعلقہ مضامین
