اسلام آباد 08 نومبر (اے پي پي) د توان وفاقي وزير حماد اظهر وئيلي دي سندھ كښې د يو سازش د لارې د ګڼي کرشنګ نه پيل كيږي، شوګر ملز په بوائلر چلولو بند كړے شوي،د سندھ حکومت دې په سازش كښې د شامليدلو او د چينو بيعه زياتولو په ځاے خپله ذمه واري پوره كړي، وفاقي حکومت د ګني کرشنګ كښې د تاخير مخ نيوي لپاره قانون نافذ کړے ، د سندھ په حکومت دا قانون هم نه لاګو كيږي،يو لاکھه ټنه درآمدي چيني به مارکيټ ته راوړلې شي،يو كلو بيعه به 90 روپۍ ته راوستلې شي، اوس به شوګر ملونو ته كومه برآمدي سبسډي نه وركړې كېږي، حکومتي اقداماتو سره به راروانو دوو درېو اوونيو كښې د چينو بيعه په تندۍ سره لاندې راشي ، تر 15 نومبر چې كوم شوګر مل ونه چليدل د هغې په ضد به كاروائي كولې شي۔د ګل په ورځ پرېس کنفرنس ته په خپله وينا كښې حماد اظهر ووئيل سږ كال يو ځل بيا سندھ كښې د ګڼي کرشنګ كښې تاخير کيږي، سندھ كښې شوګر ملونه تر 15 اکتوبر چليږي خو تر اوسه دغه شوګر ملونه نه دې چليدلي ، مونږ د سندھ د هغې شوګر ملز تفصيلات لرو كوم چې په بوائلر چلولو بند كړے شوي، بوائلر د سازش له مخې بند كړے شوي۔ ده ووئېل د سندھ شوګر ملونه كه وچليږي نو د چينو بيعه به نه زياتيږي، په سياسي سازش كښې د اولس زيان كيږي۔ ده ووئېل په سندھ كښې د شوګر ملونو نه چليدل د سندھ حکومت او شوګر ملز ايسوسي ايشن د سندھ زون د وفاقي حکومت په ضد سياسي سازش دے۔ ده ووئېل د سندھ حکومت دې بې شكه سازش وكړي خو اولس بايد د دغې تكليف سره مخ نه كړے شي ،زمونږ دا پوښتنه ده چې تر 15 اکتوبر سندھ كښې كوم شوګر ملونه چليدل هغه ولي نه چليږي او د بوائلر پهه چلولو ولي بند كړے شوي۔ ده ووئيل تير كال مونږ قانون جوړ كړے ؤ چې كوم شوګر مل په وخت نه چليږي د هغې په ضد اېف آئي آر درج کولې شي او هغې له به 50 لکه روپۍ د ورځې جرمانه وركول وي، پاتې صوبو دغه قانون نافذ کړے خو د سندھ حکومت دا قانون تر اوسه نه دے لاګو كړے ۔ وفاقي وزير ووئيل چينې خو ذخيره کيدې شي ، ګنے نه ذخيره كيږي او د ګني اغستونكې يواځې شوګر ملونه دي، هر كال شوګر ملونه د خپل غوښتنو تر سره كولو لپاره کرشنګ كښې تاخير کوي او په حکومتونو فشار اچولو سره په ايکسپورټ په اربونو روپۍ سبسډي اخلي او حکومتونه بليك ميل كوي۔ ده ووئېل د وفاقي حکومت اقداماتو په وجه تير كال په وړومبي ځل تر 15 نومبر د ګنې کرشنګ پيل شوے ؤ او كروندګرو له د هغوې د فصل جائز معاوضه وركړې شوې وه ۔ده ووئيل د سندھ حکومت دا قانون تر اوسه نه دې منظور كړے، د سندھ حکومت دې هم د پاتې صوبو غوندې دا قانون منظور کړي۔
سندھ د سازش د لارې د ګني كرشنګ نه پيل كوي، شوګر ملز بند کړے شوي، د توان وفاقي وزير حماد اظهر پرېس کنفرنس
مضمون کا ماخذ : دیگر کلیدی الفاظ
متعلقہ مضامین
