سرينګر ۔ 27 ستمبر (اے پی پی) مقبوضه جمو وكشمير كښې كارپوهانو وئيلي دي چې د پاكستان وزيراعظم عمران خان د ملګرو ملتونو عمومي اسمبلۍ ته په خپله وینا كښې د هندوستان د تعصب او د هغې د فاشیست ارادې په کلکه غندلې دي۔ د کشمير میډیا سروس لخوا د حریت تنظیمونو مشرانو ، مدني ټولنو غړو ، د زده كړې كارپوهانو او قانوني او سياسي څېړنكارو په تجزياتي رپورټ كښې په نړيواله ورورولۍ زور راوړې چې هغه دې د كشمير په اړه د وزيراعظم عمران په غږ د خپل مثبت غبرګون څرګندونه وكړي۔ كل جماعي حريت كنفرنس د پاكستاني وزيراعظم د خطاب ستائنه كولو سره ووئيل عمران خان نړۍ ته تش د نامې جمهوري هند بدرنګه څېره په ډاګه كړې ده۔ حريت لارښودو محمد یوسف نقاش او عبد الصمد انقلابی ووئيل د عمران خان خطاب د كشميريانو د هيلو حقيقي عكاس وو۔ په خپله وینا كښې وزیر عمران خان د ملګرو ملتونو د اړوندو پرېکړو سره سم د کشمير شخړې په هوارولو ټینګار وکړو او له نړیوالې ادارې یې وغوښتل چې د هند لخوا د روان نسل وژنې څخه د کشمیریانو بچ كولو لپاره اقدامات وکړي. هغه ووئیل د هند د تېر كال اګست مياشتې 5 مې نېټې اقدام کشمیريانو سره د نوي ډيلي لخوا او نړۍ سره د كړې لوظونو خلاف ورزي ده۔ كارپوهانو ووئيل وزيراعظم عمران خان نړيوالې ورورولۍ څخه مقبوضه جمو وكشمير كښې د انسانيت په ضد جرمونو كښې د ككړو هندي سول او پوځي اهلكارو په ضد د قانوني كارروائۍ كولو سمه غوښتنه كړې ده۔ د راپور له مخې هغه ووئیل چې د نوي ډیلي لخوا د تیر کال اګست راهیسې پورته كړې شويو ګامونو د وزيراعظم عمران خان دا اندیښنه تایید کړې چې هند په مقبوضه جمو او کشمیر کې د نفوس تناسب بدلولو سره د کشمیریانو هویت له مینځه وړو هڅه کوي. په راپور کې راغلي چې تجزيه كارو خبرداری ورکړی چې ترهغې چې د کشمیر مسئله د نړیوال قانون له مخې حل نه شي ، په سوئیلي آسیا کښې سوله به له خطر سره مخامخ وي ، د کوم اندېښنه چې وزيراعظم عمران خان هم په خپله وینا کې څرګنده كړې وه۔
وزیر اعظم عمران خان هندوستان په بده توګه رسوا کړې۔ كارپوهان
مضمون کا ماخذ : prêmios lotofácil
متعلقہ مضامین
