پتن 31 اګست (اے پي پي)وزيراعظم محمد شهباز شريف وئېلي دي د سېلاب او باران په نتيجه كښې د ځپلې شوي وروستي كور او وګړي تر آبادولو به په قلاره نه كېښنو٬په سپيځلې ډول به د مرستې وېش او رسنه باوري كوو٬د ټولې نړۍ څخه د ځپليو په مرسته كولو د دوي مننه كوو٬لوي څښتن سره لوظ كوو چې مونږ ټول به په ګډه باوري كوو چې كوم حقدار د مرستې نه پاتې نه شي٬وفاقي حكومت به د حق رسېدليو كسانو كورنيو ته لس لكه روپۍ وركوي٬په دې سخت وخت كښې ټولو ځپليو سره ولاړ يو۔د شورو په ورځ وزيراعظم شهباز شريف د سېلاب او باران ځپلې كوز كوهستان دوره وكړه چرته چې ده سېلاب ځپليو سره ملاقات هم وكړو۔د هزاره ډويژن كمشنر او ډپټي كمشنر وزيراعظم ته د مرستې چارو په اړه بريفنګ وركړو۔دوي ووئيل په سيمه كښې 18 كسان په حق رسېدلي٬د ځپليو لپاره كېپمونه جوړ كړې شوي٬وزيراعظم په دې موقع ځپليو ته په خپله وېنا كښې ووئيل مونږ په سېلاب كښې د حق رسېدليو كسانو كورنيو سره غمرازي كولو لپاره حاضر شوي يو۔په كالام٬سوات٬بحرين او كوهستان كښې د سېلاب په نتيجه كښې لويې زيان شوے٬دلته ګير سېلګري د وسله والو ځواكونو د چورلكو د لارې محفوظو ځايونو ته رسولې شي۔ ده ووئېل وفاقي حكومت په دې سخت وخت كښې ځپليو سره ولاړ دے٬تر څو چې دوي په خپلو كورونو كښې نوې وي اباد شوي مونږ به په قلاره نه كېښنو٬صوبائي حكومتونه٬اېن ډي اېم اے٬پي ډي اېم اے او انتظاميه د ځپليو مرستې لپاره موجود دي ۔ ده ووئېل په سېلاب او باران كښې چې د چا كور ته هم زيان رسېدلے وي هغوي ته ېه د كور په سر 25 زره روپۍ وركولې شي۔د حق رسېدليو كسانو كورنيو ته د وفاق لخوا لس لكه روپۍ وركولې شي۔وزيراعظم ووئيل په سندھ كښې سېلاب زيات زيان كړے ٬د دې نه علاوه په بلوچستان٬سوئېلي پنجاب٬خېبرپښتونخوا٬ګلګت بلتستان او آزاد كشمير پشمول چې چرته هم سېلاب زيان كړے هلته به موجود وسيلې په دوي لګولې شي۔د دوست هېوادونو لخوا مرسته ترلاسه كېږي٬د دوي مننه كوو سعودي متحده عرب امارات٬قطر٬ايران او د تركيې پشمول نور وروڼه هېوادونه زمونږ مرسته كوي٬امريكې او برتانيې هم د مرستې اعلان كړے ۔ ده ووئېل ملګرو ملتونو د 160 ملين ډالرو فليش اپيل كړے۔ده د خېبرپښتونخوا لپاره د لس اربه روپو اعلان وكړو كوم به چې اېن ډي اېم اے او صوبائي انتظاميه په ګډه په سپيځلې ډول وېشي۔په دې موقع د وزيراعظم صلاحكار انجينئر امير مقام٬د قامي اسمبلۍ ډپټي سپيكر زاهد اكرم دراني او د پاكستان پيپلز پارټي لارښود نجم الدين خان هم د وزيراعظم سره ملګري وو۔
د سېلاب او باران ځپلي وروستي كور او وګړي تر آبادولو به په قلاره نه كېښنو٬په سپيځلې ډول به د مرستې وېش او رسنه باوري كوو۔وزيراعظم محمد شهباز شريف
مضمون کا ماخذ : estratégias loteria وفاقی
متعلقہ مضامین
