اسلام آباد۔15ستمبر(اے پی پی) صدر مملکت آصف علی زرداری جمہوری اداریں کوں تکڑا کرݨ ، ضروری اصلاحات گھن آوݨ تے پاکستان اچ جمہوریت مستحکم کرݨ سانڳے اجتماعی طور تے کم کرݨ دی لوڑھ تے زور ݙتے ۔ انھاں جمہوریت کوں ھک منصفانہ اتے جامع معاشرے دی بنیاد قرارݙیندے آکھیے جو قوم کوں پیش آندے موجودہ چیلنجز دا حل ھک تکڑے تے جمہوری عمل اچ پوشیدہ اے۔صدر مملکت اے ڳالھ عالمی یوم جمہوریت دے موقع تے آپݨے سنھیے اچ آکھی اے ۔ اڄوکے سال دے یوم جمہوریت دا عالمی عنوان”مصنوعی ذہ??نت دی مدد نال بہتر طرز حکمرانی دا ودھارا‘اے۔ مصنوعی ذہ??نت انتظام عامہ اچ شفافیت، احتساب اتے کارکردگی ودھا سڳدی اے۔ اتے اے جدید طرز حکمرانی دا ھک اہم ذریعہ اے۔ مصنوعی ذہ??نت دے ذریعے معلومات تے مبنی تجزیے ݙتے ونڄ سڳدن جیں توں جمہوری عمل زیادہ شفاف بݨ سڳدے تے ووٹرز امیدواراں تے انھاں دیاں پالیسیاں بارے اہم معلومات گھن سڳدن ۔ صدر مملکت آکھیے جمہوریت عوام دی سیاسی عمل اچ شرکت، سیاسی تنوع اتے عوامی حقوق دے ت??فظ دا ناں اے ۔ شہریاں دے سیاسی، اق??صا??ی اتے سماجی حقوق دا تحفظ ہی جمہوریت کوں ٻئے نظام حکومت نال ممتاز کریندے ۔ ساݙے ملک دے سیاسی منظرنامے تے کئی چیلنجز ابھریے۔ شہید ذوالفقارعلی بھٹو اتے شہید محترمہ بے نظ??ر بھٹو جیہے رہنماواں ملک اچ جمہوری عمل دی بحالی اتے استحکام سانڳے نمایاں خدمات انجام ݙتیاں، انھاں دا غیر متزلزل عزم اتے قربانیاں جمہوری اقدار دے ت??فظ سانڳے انھاں دی مسلسل جدوجہد دی یاد ݙویندے۔ صدر آصف علی زرداری آکھیے اڄ اساں عوامی نمائندگی دے ذریعے جمہوریت دے ت??فظ، پالیسیاں بݨاوݨ تے ملک دے اہم مسئلیں دے حل دے ذریعے جمہوریت دے ت??فظ اچ پارلیمان دے کردار دا وی اعتراف کریندن ۔ انہاں آکھیے پارلیمنٹ مسئلیں دے حل ، شمولیت تے پاکستان دے روشن مستقبل سانڳے بنیادی ادارہ اے۔اڄ دے ݙینھ اساں جمہوریت نال آپݨی جڑت دا اعادہ کریندوں ۔ صدر مملکت آکھیے جمہوری اصولاں نال ہی اساں مساوات، سماجی اتے اق??صا??ی انصاف، قانون دی حکمرانی اتے آزادی اظہارگھن سڳدوں ۔ پاکستان کوں پیش آندے موجودہ چیلنجاں پاروں ، جمہوری اداریں کوں تکڑا کرݨ ، اصلاحات اپناوݨ تے جمہوریت دے استحکام سانڳے رل تے کم کرݨ ضروری اے ۔ صدر آصف علی زرداری آکھیے ساݙی قوم دے مسئلیں دا حل ھک متحرک اتے جامع جمہوری عمل اچ ہے ۔آؤ اساں ایں عزم دا اعادہ کروں جو اساں جمہوری اقدار دی پاسداری کریسوں ایں ڳالھ کوں یقنی بݨیسوں جو پاکستان اچ جمہوریت پَھلے پُھلے
