اسلام آباد۔2نومبر(اے پی پی) وفاقی وزیر سرمایہ کاری بورڈ عبدالعلیم خان آکھیے سپیشل اکنامک زونز صنعتاں دے ودھارے اچ کلیدی کردار ??بھا سڳدن ،خصوصی مراعات توں ملک اچ صنعتی شعبے کوں ودھارا تھیسی ۔ وفاقی وزیر سرمایہ کاری بورڈ ، نجکاری و مواصلات عبدالعلیم خان دی صدارت اچ سپیشل اکنامک زونز تے فوکل گروپ دا اہم اجلاس تھئے۔ اجلاس اچ فری اکنامک زونز دے مسئلیں دا جائزہ ڳھدا ڳئے اتے متعلقہ محکمیں کوں ضروری ہدایات وی جاری کیتیاں ڳئن ۔ اجلاس اچ وزیر اعظم دی ہدایت تے چین کوں ھک سپیشل اکنامک زون دے ترقیاتی امورآزمائشی ??نیاداں تے ݙیوݨ تے وی غور کیتا ڳئے ۔وفاقی وزیر سرمایہ کاری عبدالعلیم خان ملک دے صنعتی زونز سانڳے خصوصی مراعات یقینی بݨاوݨ دی ہدایت کریندے آکھیے سپیشل اکنامک زونز ملک اچ صنعتاں دے ودھارے اچ کلیدی کردار ??بھا سڳدن ، مسئ??ے مکاوݨ اچ توانائی اتے صنعتاں دی وزارتاں کوں سپیشل اکنامک زونز اچ چنڳاں کردار ??بھاوݨا ہوسی ۔ وفاقی وزیرآکھیے کراچی انڈسٹریل پارک دے فری اکنامک زون کوں ماڈل بݨاوݨا اے ، ذمہ واریاں پوریا کرن۔عبدالعلیم خان مزید آکھیے خصوصی مراعات ݙیسوں تاں ملک اچ صنعتاں دا ودھارا تھیسی۔
