اپوزيشن اصلاحات ته پام لرنه نه كوي،په لويو چارو د اپوزيشن سره مخ په وړاندې تلل غواړو، اپوزيشن د وړومبۍ ورځې نه د حکومت ختمولو هڅې كوي، هغوې څلور كلونه په دې كښې تير كړي ،د اطلاعات او خپرونو وفاقي وزير چوهدري فواد حسېن ميډيا ته بريفنګ

اسلام آباد 18جنوري (اے پي پي) د اطلاعات او خپرونو وفاقي وزير چوهدري فواد حسېن وئيلي دي اپوزيشن اصلاحات ته پام لرنه نه كوي، مونږ انتخابي اصلاحات، د نيب چيئرمېن تقرري او د جوډيشري اصلاحات غوندې په لويو چارو د اپوزيشن سره مخ په وړاندې تلل غواړو، اصلاحات څخه زيات د اپوزيشن خواهش حکومت ختمول دي،د وړومبۍ ورځې څخه هغوې په دې كار كښې بوښت دي او څلور كلونه ئې تير شول، د مرېم نواز په خبرو اوس د هغې اولاد هم خاندې ، كه د ميډيا ادارو د آمدن په اړه شمېرې غلطې دي نو ميډيا مالکان دې خپل اکائونټس اوپن کړي ، د اوميکرون کيسز شميره پرله پسې زياتيږي ، موجودہ کيسز د ورځې 5 زره ته رسيدلي، ويکسين لګوونكي د اوميکرون له امله كم ځپلے كېږي ، د بده مرغه سندھ ويکسينېشن كښې تر ټولو وروستو دے ، کراچۍ كښې د اوميکرون کيسز تر ټولو زيات دي ، د سکولونو ماشومان ځپلے كېږي ، حکومت دوه بليونه ډالره څخه زيات ويکسين وګړو ته لګولي ، کرنټ اکاؤنټ خسارہ كښې لويه برخه د داروګان برآمد دے،يواځې د ويکسين په درآمد دوه بليونه ډالره خرڅ شوې۔د دې خيالاتو څرګندونه ده د نهې په ورځ د وفاقي کابينې غونډې نه پس ميډيا سره په خپلو خبرو كښې وكړه۔ په دې موقع د توان وفاقي وزير حماد اظهر ههم موجود ؤ۔ چوهدري فواد حسېن ووئيل د وفاقي کابينې غونډې ته په هېواد کښې د اوميکرون خپريدو په اړه تفصيلي بريفنګ وركړے شو۔د موجوده کيسز شميره د ورځې 5 زره ته رسيدلې ، هاسپټلائزيشن ريټ 2.5 چنده او آئي سي يو ريټ كښې 30 فيصده اضافه رامخې ته شوې۔ده ووئيل کابينې د اوميکرون څخه بچ كيدو لپاره په اېس او پيز، د ماسك په اچولو او د ويکسينيشن لګولو په عملدرآمد زور راوړے۔ده ووئيل کابينه كښې اسپيشل ټيکنالوجي زونز په اړه هم خبرې شوي ۔ کابينې ته ووئيل شول اسپشل ټيکنالوجي زونز جوړولو او په کاميابۍ روزګار وركولو سره به هېواد كښې د آئي ټي برآمدات زيات شي۔ حکومت د ټيکنالوجي څانګې پرمختګ لپاره په لويو پروژو كار كوي د كومو چې مثبت نتيجې رامخې ته كيږي۔ د اطلاعات وزير چوهدري فواد حسېن ووئيل قامي اسمبلۍ كښې كوټلې قانون سازي او د هېواد په پرمختګ كښې د پارلمان کردار لا قوي كولو لپاره کابينې حکومتي غړو او وفاقي وزيرانو ته پارلمان كښې د خپلې حاضرۍ باوري كولو سپارښتنه كړې ۔ده ووئيل په کابينه كښې اسټيټ بنك ترميمي بل په اړه خبرې شوې۔ اسټيټ بنك ترميمي بل د معيشت ښه والي او د اسټرکچرل ريفارمز لپاره زيات ضروري دېے۔ امريکې او برتانيې سنټرل بنك د پاکستان څخه زيات طاقتور دي ۔ کابينې ته ووئيل شول بورډ آف ګورنرز د اسټيټ بنك ټولې پريكړې كوي او د بورډ غړي به د پاکستان حكومت خوښوي۔ده ووئيل دا بل اوس سېنېټ ته راغلے، دا به هم ډير زر منظور كړے شي۔ده ووئيل په تيرو حكومتونو كښې هم د اسټيټ بنك خپلواكۍ لپاره بدلونونه شوې۔دې نه علاوه کابينې ته ووئيل شول اسټيټ بنك بدلون بل په اړه پريكړه كولو كښې د قامي سلامتيا او معاشي بحالۍ ټول اړخونه تر نظره ساتلې شوې۔په دې اړه اولس كښې د خبرتيا بيدارولو سپارښتنه شوې۔ وفاقي وزير ووئيل کابينې سفارش کړے چې د پارلمان اسټينډنګ کمېټيو كښې د غړو او عهديدارو تعيناتولو په وخت به کانفليکټ آف انټرسټ ترنظر ساتلے شي۔ده ووئيل وفاقي کابينې ته د صنعت او پيداوار وزارت د اړخه د يوريا پيداوار په حقله بريفنګ وركړے شوېے۔ سږ كال هېواد كښې د يوريا پيداوار د پاکستان په تاريخ كښې په لوړه كچه ؤ۔ د يوريا ذخيرہ اندوزۍ مخنيوې لپاره په وخت اقدامات شوي۔ده ووئيل کابينه كښې د برېښنا ترسيلي نظام ښه كولو له په اقدامات هم غور شوے ۔ کابينې ته د برېښنا ډسټري بيوشن کمپنيو په کارکردګۍ او لاسز تفصيلي بريفنګ وركړے شوے۔ کابينې د برېښنا غلا كوونكو او محکمو كښې موجود د هغوې معاونت کوونكو افسرانو په ضد د کارروائي سپارښتنه كړې۔ د اطلاعات وزير ووئيل کابينه كښې د پاکستان په لويو ښارونو كښې د ګرين ايرياز تحفظ، قبضه مافيه څخه د زمكو آزادولو او د اونو شميره زياتولو د حکومت په اقدامات خبرې شوي۔ کابينې ته ووئيل شول اسلام آباد كښې تر 2018ء ګرين ايرياز او د اونو شميره كښې واضح کمے راغلے ۔ 2018ء نه پس د حکومتي اقدامات په وجه اسلام آباد كښې نه يواځې د اونو شميره زياته شوې بلكه ګرين ايرياز بحال کړے شوي دغسې قبضه مافيا څخه سرکاري زمكې آزادې كړې شوي۔ده ووئيل وزيراعظم د ټولو ښارونو ماسټر پلان زر تر زره د بشپړولو سره په دې عملدرآمد د باوري كولو او شهري آبادۍ كښې ګرين ايرياز او د اونو شميره زياتولو سپارښتنه كړې۔ د اطلاعات وزير ووئيل کابينې د کامرس وزارت په سفارش بهر هېوادونو كښې د مېشته پاکستانيانو ګاړو په امپورټ كښې د کووډ 19 په وجه په تاخير د معافۍ منظوري وركړې۔د دې منظورۍ نه پس به دغه ګاړي په لسو ورځو كښې دننه د پورټ څخه د کسټم ډيوټي نه کليئر کړے شي كوم چې د تير يو نيم كال راهسې په پورټ ولاړ دي۔ده ووئيل د خزانې وزارت په سفارش کابينې په رولز آف بزنس 1973ء كښې د ترميم اجازه وركړې۔د دې ترميم نه پس به وفاقي وزارتونو كښې د سيکريټري نه علاوه نور اعليٰ عهديدار ههم پرنسپل اکاؤنټنګ آفيسر مقرر کيدے شي۔ده ووئيل کابينې د خزانې وزارت په سفارش فرسټ وومن بينک لميټډ له 2019-20ء د 6 مياشتو آډټ څخه استنثنيٰ وركړې او کے پي اېم جي له د 6م كال لپاره د كال 2021ء د آډټ کولو منظوري وركړې۔ده ووئيل کابينې کسان سپورټ سروسز لميټډ كښې د منيجنګ ډائريکټر چوكۍ بيا مشتهر كولو سپارښتنه كړے۔ ده ووئيل د كورنيو چارو وزارت د ويزې مودې څخه زيات په پاکستان كښې موجودو غير ملکي وګړو ته د پاکستان څخه د وتللو موده كښې د پراختيا سمري بيرته اخستي۔دې نه ځانله کابينې د پاکستان ايسنشل سروسز ايکټ 1952ء ترمخه د مجاز افسرانو نوټيفيکيشن منظوري وركړې۔ده ووئيل د كورنيو چارو وزارت په سفارش کابينې United Nation Convention against Transnational Organized Crime Protocol (UNTOC) Protocol to Prevent, Suppress and Punish Trafficking in Person, Especially Women and Children (Trafficking Protocol) توثيق منظوري وركړې۔د دې توثيق سره به غير قانوني هيومن ټريفکنګ مخنيوي له مرسته تر لاسه شي۔ دې نه ځانله کابينې Protocol against the Smuggling of Migrants by Land, Sea and Air (The Smuggling Protocl) توثيق پريكړې لپاره د کمېټۍ جوړولو سپارښتنه كړې۔ وفاقي وزير ووئيل د سمندري چارو وزارت په سفارش کابينې د کورنګي فشريز هاربر اتھارټي کراچۍ منيجنګ ډائريکټر اضافي چارج درېو مياشتو لپاره ډائريکټر جنرل پورټس اينډ شپنګ ونګ کراچۍ سيد سيدين زيدي ته د سپارلو منظوري وركړې۔ده ووئيل کابينې د ثقافتي څرګندونې تنوع حفاظت او ترويج په اړه د يونيسکو 2005ء کنونشن توثيق کولو په اړه د قومي ورثې او ثقافت وزارت سمري منظور كړې ۔دې نه علاوه کابينې د پاکستان ريلويز فريټ ټرانسپورټيشن کمپنۍ د بورډ آف ډائريکټرز تشکيلولو منظوري هم وركړې۔ بورډ آف ډائريکټرز كښې عبدار خان، نويد ارشد، طيبه رشيد، فرخ شوکت انصاري او پروفيسر ډاکټر فاخرہ رضوان شامل دي۔ده ووئيل کابينې د ريلوے کنسټرکشن پاکستان لميټډ بورډ آف ډائريکټرز تشکيل نو هم منظوري وركړې۔ بورډ آف ډائريکټرز كښې به اعظم عادل شيخ، شاهد عزيز، فريدالدين احمد، صاحبزادہ منصور علي او ارشد فاروق شامل وي۔ وفاقي وزير ووئيل کابينې د آډيټر جنرل آف پاکستان د اړخه ريګوليټري اتھارټيز آډټ لپاره د جوړ شوې کمېټۍ تر حتمي پريكړې د آډټ اجازه موخر کړې۔ کابينې شفافيت لپاره د خپلواكه آډټ په اهميت زور راوړے۔ ده ووئيل کابينې ته د نېشنل اليکټرك پاور ريګوليټري اتھارټي (نيپرا) کلن رپورټ 2020-21ء او د اسټيټ آف انډسټري رپورټ 2021ء هم وړاندې شوے۔ده ووئيل 24 كلونو كښې په وړمبي ځل د نيپرا رپورټس په وخت تيار شوې۔د يوې پوښتنې په ځواب ده ووئيل د نيب قانون اسمبلۍ ته وړاندې كړے شوے، مونږ د اپوزيشن سره په لويو چارو په ګډه مخ په وړاندې تلل غواړو۔د يوې بلې پوښتنې په ځواب ده ووئيل د ميډيا ورکرز حقونو لپاره د پوره قانون راوړلو هڅه شوې خو په هغې ځينې كسانو احتجاج کړے، د ورځپاڼو په فرنټ پيجز د دې په ضد ليكل هم شوي۔ده ووئيل كه د ميډيا ادارو آمدن شميرې غلطې دي نو هغوې دې خپل اکاؤنټس اوپن کړي دغسې چې ميډيا ورکرز ئې هم اوګورې۔د يوې بلې پوښتنې په ځواب ده ووئيل د مرېم نواز په خبرو اوس د هغې بچي هم خاندي۔