نیویارک۔25ستمبر (اے پی پی) وزیراعظم محمد شہباز شریف آکھیا جو س??ول توں ٻاہر اݙھائی کروڑ بالاں کوں تعلیم ݙیوݨ ساریاں توں وݙا چیلنج اے، موسمیاتی تبدیلی دے اثرات اتے دہشت رگدی پاروں اساکوں ٻہوں جانی تے مالی ضیان تھیے۔ اے ڳالھیں انہاں اقوام متحدہ دے جنرل اسمبلی دے 79 ویں اجلاس دے موقع تے اقوام متحدہ ولوں ’’پائیدار ترقی دے اہداف تے ایس ڈی جی مومنٹ‘‘ دے موضوع تے مباحثہ توں خطاب کریندیں ہوئیں آکھی۔ وزیراعظم محمد شہباز شریف آکھیا جو ملک اچ تعل??م دے ودھارے کیتے پرعزم ہیسے۔ پنجاب اچ آپݨے ݙاہ سال دے دور حکومت اچ تعلیم شعبے اچ وݙی تبدیلی کیتی۔ انہاں آکھیا جو پنجاب اچ تعل??م دے ودھارے کیتے کئی اقدامات کیتے اتے معاشرے دے پسماندہ طبقیاں کوں بااختیار ٻݨایا۔ پنجاب انڈومنٹ سکیم اتے وائوچرسک??م دے ذریعے ٻالاں اتے ٻالڑیاں کوں انہ??ں دے علاقے اچ سکولاں اچ داخلے ݙتے ڳئے۔ پنجاب انڈوومنٹ نال بہترین کارکردگی ݙکھاوݨ آلے لکھاں مستحق طالب علم فیدہ چاتا۔ انہاں آکھیا جو پورے صوبے اچ دانش س??ول ٻݨائے ڳئے جئیں اچ غریب اتے یتیم نینگراں کوں تعلیم ݙتی ویندی اے۔ انہاں سکولاں اچ جدید سہولتاں ݙتی ڳئن۔ اے طالب علم ڈاکٹرز، انجینئرز سودھے مختلف شعبیاں اچ آپݨی صلاحیت??ں دا لوہا منویندے پئن۔ برطانیہ دے ڈیفڈ اتے پنجاب وچال تعاون نال سکلز ڈویلپمنٹ پروگرام شروع کیتا ڳئے۔ وزیراعظم آکھیا جو اساݙی طالب علماں تے سرمایہ کاری مستقبل تے سرمایہ کاری اے۔ اساں کمپنیاں کوں ادائیگی کر تے طالب علماں کوں تربیت ݙیندوںَ انہاں آکھیا جو 2022ء اچ پاکستان اچ تباہ کن چھل آیا، پاکستان موسمیاتی تبدلی توں ساریاں توں ودھ متاثر ملکاں اچوں اے۔ ایندے اچ کوئی اساݙا قصور نئی کوینوج ایندے اچ اساݙا ہک فیصد توں وی ڳھٹ حصہ اے۔ انہاں آکھیا زہریلی گیس??ں دا ساریاں توں ودھ اخراج کرݨ آلے ملک ایندے ذمہ وار ہن۔ عدم توازن، ناانصافی اتے غیر منصفانہ نظام نال اے مسئلہ حل نی تھی سڳدا۔ انہاں آکھیا جو اساں نائن الیون دے بعد دہشت گردی دا سامݨا کیتے۔ دہشت گردی دے خلاف جنگ اچ 88 ہزار پاکستانی شہید تھین۔ اساں ایں ناسور کوں ہرائے۔ اساکوں ارباں ڈالر دا ضیان تھیے۔ اساکوں ایں شیطانی سرکل توں نکلݨ کیتے ادھار اتے قرضے ڳھݨے پئن۔ اے موت دا پھندا اے اتے اساں ایندے اچوں نکلݨ دی کوشش کریندوں تاں ایندی قیمت ݙیوݨی پوندی اے۔
سکول توں ٻاہر اݙھائی کروڑ بالاں کوں تعلیم ݙیوݨ ساریاں توں وݙا چیلنج اے، موسمیاتی تبدیلی دے اثرات اتے دہشت رگدی پاروں اساکوں ٻہوں جانی تے مالی ضیان تھیے۔وزیراعظم محمد شہباز شریف دا مباحثہ توں خطاب
مضمون کا ماخذ : لاٹری کی پیشن گوئی
متعلقہ مضامین
