نيويارك 22 دسمبر(اے پي پي)په ملګرو ملتونو كښې د پاكستان مستقل استازي منير اكرم وئېلي دي د ملګرو ملتونو سېكورټي كونسل څخه د افغانستان په اړه د بشري مرستې قرارداد منظورېدل د پاكستان د دريځ تائيد دے٬وزيراعظم عمران خان د او آئي سي خارجه وزيرانو د كونسل غونډه كښې په افغانستان د بندېزونو په اړه د تشويش څرګندونه كړې وه٬د وزيراعظم عمران خان وژن د دې قرارداد په منظورۍ كښې مهم ثابت شوے۔د شورو په ورځ په ملګرو ملتونو كښې د پاكستان مستقل استازي منير اكرم د سلامتي كونسل په منظور شوي قرارداد په اړه ملګرو ملتونو كښې بريفنګ وركړو۔ده د ملګرو ملتونو د مېډيا استازي د او آئي سي د خارجه وزيرانو د كونسل كنفرنس څخه هم خبر كړل۔منير اكرم ووئيل د ملګرو ملتونو سلامتي كونسل افغانستان لپاره د بشري مرستې قرارداد منظور كړے٬د قرارداد منظورۍ څخه د پاكستان د دريځ تائيد شوے او افغانستان ته د مرستې په اړه قانوني پيچيدګي هم ختمه شوې٬د پاكستان دريځ دا ؤ چې افغانستان ته ضروري څيزونه وركول د نړيوال قوانين خلاف ورزي نه ده ۔ده ووئيل د پاكستان٬چين٬روس او امريكې لخوا وړاندې كړے شوي قرارداد لپاره د غړو هېوادونو سره رابطې شوي ٬د قرارداد منظورۍ سره به افغانستان ته په سمدستي توګه د مرستې لپاره جمع كړې روپۍ ادا كړې شي او مرسته به د ملګرو ملتونو ذيلي ادارو د لارې افغانستان ته وركولې شي٬ ده ووئېل د قرارداد نه پس افغانستان لپاره په سمدستي توګه د نور 4.3 ملين ډالرز خواست شوے۔منير اكرم ووئيل وزيراعظم عمران خان د او آئي سي خارجه وزيرانو غونډه كښې په افغانستان د بندېزونو په اړه د تشويش څرګندونه كړې وه٬ د وزيراعظم عمران خان وژن د دې قرارداد په منظورۍ كښې مهم ثابت شوے٬ده هيله دولرله چې د قرارداد نه پس به د افغانستان كنګل شوي اكاؤنټس هم بحال شي۔ده ووئيل په افغانستان كښې د 40 كلونو نه پس داسې حكومت راغلے د كوم كنټرول چې په ټول هېواد دے۔هيله ده چې افغان حكومت به خپله رويه كښې بهتري راولي۔ ده ووئېل د قرارداد منظوري د افغانستان سباؤن لپاره ډېره مهمه ده ٬د افغانستان څخه د ګيرو شوو طبقو هجرت منطقې او په خاص توګه د پاكستان لپاره ستونزې راپېدا كولې شي٬كه چرې په سمدستي توګه دا مرسته افغانستان ته ونه رسېده نو افغانستان د بشري الميې ښكار كېدے شي۔
د ملګرو ملتونو سېكورټي كونسل څخه د افغانستان په اړه د بشري مرستې قرارداد منظورېدل د پاكستان د دريځ تائيد دے ۔ په ملګرو ملتونو كښې د پاكستان مستقل استازې منير اكرم پرېس بريفنګ
مضمون کا ماخذ : لاٹری کے لائیو نتائج
متعلقہ مضامین
