اسلام آباد۔9اکتوبر(اے پی پی) وفاقی وزیرخزانہ و محصولات سینیٹر محمد اورنگزیب اصلاحات دے ایجنڈے تے عمل درآمد اتے معاشی استحکام کوں ??ستقل بݨاوݨ دا عزم کریندے آکھیے پائیدارتے جامع ترقی ودھاوݨ تے پاکستان دے ٻاہرلے قرضیں تے انحصار مکاوݨ سانڳے اصلاحات دے ایجنڈے تے عمل درآمد ناگزیر اے۔انہاں اے ڳالھ ایشیائی ترقیاتی بینک دے وفد کوں ??لاقات اچ آکھی ۔ایشیائی ترقیاتی بینک دے وفد دی قیادت بینک دے ایگزیکٹو ڈائریکٹر ڈونلڈ بوبیاش اتے ایگزیکٹو ڈائریکٹر شیگیو شی میزو کریندے پئے ہن ، پاکستان اچ ایشیائی ترقیاتی بینک دے کنٹری ڈائریکٹر ینگ یی تے وزارت خزانہ دے سینئر افسر وی موجود ہن ۔ وزیر خزانہ آکھیے پاکستان دی معیشت مستقل نمو دے رس??ے ٹورݨ دا ھکو طریقہ اے ہے جو اینکوں روایتی عروج تے زوال دے چکر توں کڈھیا ونڄے تے برآمدات تے مبنی نمو دا طریقہ کار اختیار کیتا ونڄے ، ایندے ذریعے نہ صرف سرمایہ کاری و براہ ??است غیر ملکی سرمایہ کاری کوں ??دھارا تھیسی بلکہ پاکستان دی ول بین الاقوامی کیپٹل مارکیٹاں تئیں رس??ئی وی ممکن تھی سڳسی ۔ وفاقی وزیر وفد دا خیرمقدم کیتا تے انہاں کوں جاری ڈھانچہ جاتی اصلاحات تے ایندے نتیجے اچ معاشی ترقی و اہم اقتصادی اشاریں اچ بہتری تے تفصیلی بریفنگ ݙتی۔ وزیر خزانہ خاص طور تے ݙوڑے خسارے دی موثر مینجمنٹ، ودھدی ترسیلات زر اتے بر آمدات اچ ودھارے تے روشنی پاتے ، انھاں آکھیے مہانگ دی شرح گزریل سال دے 38 فیصد توں ڈھہہ تے 6.9 فیصد دی سطح تے آئی اے جیڑھی گزریل 44 مہینے دی گھٹ سطح ہے ، پالیسی ریٹ اچ 450 بیسس پوائنٹس دی کمی کیتی ڳئی تے آندے مہینے اچ اے مزید گھٹ تھیسی ۔ وزیرخزانہ ݙسائے پاکستان دی کرنسی مستحکم تھی ڳئی اے ، آئی ایم ایف دے توسیعی فنڈ سہولت معاہدے دے بعد زرمبادلہ دے ذخیرے 10.7 ارب ڈالر تے پڄ ڳئن ، سٹاک ایکسچینج دا انڈیکس 85,000 دی سطح پار کرڳئے جیڑھا کاروباری اعتماد اتے سرمایہ کاری دے سازگارماحول کوں ظاہر کریندا پئے۔ انہاں ??زیر اعظم شہباز شریف دا شکریہ ادا کریندے آکھیے وزیر اعظم دی ذاتی نگرانی اچ ٹیکس اصلاحات، توانائی دے شعبے دی بہتری، ریاستی ملکیتی اداریں دی تنظیم نو، نجکاری اتے پنشن اصلاحات جیھے کلیدی شعبیں اچ اصلاحات گھن آئیاں ??یندیاں ??ئن ۔ انھاں اڄوکے قومی مالیاتی معاہدے کوں ??فاق تے صوبیں وچال ہم آہنگی پیدا کرݨ اچ ھک سنگ میل قرار ݙیندے آکھیے ایں توں صوبے ٹیکس وسائل ودھاوݨ ، ترقیاتی خرچے کوں ??عقول بݨاوݨ تے طرز حکمرانی کوں بہتر بݨاوݨ سانڳے مزید متحرک تھیسن ۔وزیر خزانہ پاکستان دے ترقیاتی ایجنڈے اچ مسلسل تعاون تے ایشیائی ترقیاتی بینک دا شکریہ ادا کیتے تے آکھیے جو پاکستان آپݨے اصلاحاتی پروگرام سانڳے مزید تعاون اتے معاونت دا منتظر اے۔ بینک دے ایگزیکٹو ڈائریکٹر ڈونلڈ بوبیاش اتے شیگیو شی میزو پاکستان دی طرفوں ??عاشی استحکام اتے پائیدار ترقی سانڳے کیتیاں ڳیاں اصلاھات دی تعریف کیتی ، انھاں ??اکستان دے مالیاتی ڈھانچے کوں ??ستحکم کرݨ سانڳے اے ڈی بی دی طرفوں تعاون جاری رکھݨ تے جامع نمو، جدت اتے موسمیاتی اقدامات سانڳے حمایت دے عزم دا اعادہ کیتے
.jpg)