اسلام آباد۔11جنوری (اے پی پی) وزیراعظم م??مد شہباز شریف آکھیا جو بین الاقوامی کانفرنس تھیوݨ نال ٻالڑیاں دی تعلیم دے ودھارے اچ مدد ملسی۔ ٻالڑیاں کوں معیاری اتے ہکو سویں تعلیم دے موقع ݙیوݨ کیتے کم کریندے پئیوں۔ وزیراعظم م??مد شہباز شریف ٻالڑیاں دی تعلیم بارے بین الاقوامی کانفرنس اچ شریک مسلم ملکاں دے وزرائے تعلیم نال ملاقات دے موقع تے انہاں دا خیر مقدم کریندیں ہوئیں آکھیا جو تریمتیں دی تعلیم اچ شرکت تے میں تساݙا شکری?? ادا کرینداں۔ اے کانفرنس ویلھے دی لوڑھ اے۔ انہاں آکھیا جو میں آپݨے خطاب اچ ٻالڑیاں دی تعلیم دے ودھارے بارے پاکستان دے مسئلیاں تے روشنی پاتی اے۔ انہاں آکھیا جو 22.8 ملین ٻال اڄاں وی سکول توں ٻاہر ہن جئیں اچ اکثریت ٻالڑیاں دی اے۔ انہاں آکھیا جو اڄ کانفرنس اچ اسلامی ملکاں اچ ٻالڑیاں دی تعلیم دے ودھارے بارے سانجھے اقدامات دی لوڑھ کوں اجاگر کیتے۔ وزیراعظم آکھیا جو ٻالڑیاں دی تعلیم دی ہدایت اساݙے نبی کریمۖ ﷺ وی کیتی اے۔ وزیراعظم م??مد شہباز شریف مسلم ملکاں دے وز??اء نال وفاقی وزیر تعلیم و تربیت ڈاکٹر مقبول صدیقی دا تعارف کریندیں ہوئیں آکھیا جو نائب وزیراعظم دی سربراہی اچ ڈاکٹر مقبول صدیقی اتے انہاں دی ٹیم کوشش کریندی پئی اے۔ وفاقی وزیر تعلیم و تربیت ڈاکٹر خالد مقبول صدیقی کانفرنس اچ شرکت اتے انعقاد بارے وزیراعظم دے کردار اتے پوری ٹیم دے علاوہ کانفرنس دے شرکاء ولوں شکری?? ادا کیتا۔ ترکی?? دے وزیر تعلیم کانفرنس کراوݨ تے وزیراعظم کوں مبارخ ݙتی۔ ملاقات اچ شریک صومالی?? دے وزیر آپݨی تعلیم اچ پاکستان اتے پاکستان دی ترقی بارے ڳالھ کیتی۔ کرغزستان دی وزیر تعلیم ملاقات اچ ڳالھ مہاڑ کریندیں ہوئیں آکھیا جو ٻالڑیاں دی تعلیم دے ودھارے کیتے کانفرنس اتے اینڈا ایجنڈا اہم اے۔ ملائیشیا دے وزیر تعلیم آکھیا جو وزیراعظم پاکستان، وفاقی وزیر تعلیم اتے رابطہ عالم اسلامی اہم کانفرنس تے مبارکباد دے مستحق ہن۔ مالدیپ دے وزیر تعلیم شمیم علی سعید ڳ??لھ مہاڑ کریندیں ہوئیں آکھیا جو میں پاکستان اتے عوام دا شکری?? ادا کرینداں۔ گمبیا دی وزیر تعلیم ڳالھ مہاڑ کریندیں ہوئیں آکھیا جو اے کانفرنس ٻالڑیاں دی تعلیم بارے ٻہوں اہم اے۔ مالدیپ توں ڈاکٹر احمد عدیل اخیر کانفرنس کراوݨ تے وزیراعظم، حکومت اتے عوام کوں مبارخ ݙتی۔ نائب وزیراعظم تے وزیر خارجہ سینیٹر محمد اسحاق ڈار ملاقات اچ ڳالھ مہاڑ کریندیں ہوئیں آکھیا جو میں کانفرنس دے شرکاء دا پاکستان اچ خیر مقدم کرینداں۔ ملاقات اچ وفاقی وزیر اطلاعات و نشریات عطا اللہ تارڑ اتے وفاقی وزیر قانون اعظم نذیر تارڑ سودھے اعلیٰ حکام موجود ہن۔
بین الاقوامی کانفرنس تھیوݨ نال ٻالڑیاں دی تعلیم دے ودھارے اچ مدد ملسی، وزیراعظم شہباز شریف دی مسلم ملکاں دے وزرائے تعلیم نال ڳالھ مہاڑ
مضمون کا ماخذ : comprar raspadinha
متعلقہ مضامین
