برسلز۔28نومبر(اے پی پی) سیکرٹری خارجہ آمنہ بلوچ بیلجیئم دے شہر برسلز اچ تھیوݨ آلے ”ݙو ریاستی حل دے نفاذ سانڳے ع??لمی اتحاد“دے ݙوجھے اجلاس اچ شرکت کیتی۔ دفتر خارجہ توں جاری بیان موجب عالمی اتحاد دا پہلا اجلاس گزریل سال سعودی عرب دے شہر ریاض اچ تھیا ہئی ۔ عالمی اتحاد دا آغاز گزریل سال رابطے ??ے ودھاوݨ تے مشرق وسطیٰ اچ ھک منصفانہ اتے پائیدار امن کوں اڳوں ودھاوݨ سانڳے کیتا ڳیا ہئی جیں اچ اسرائیلی قبضے دا خاتمہ اتے فلسطین دی ھک آزاد ریاست دا قیام وی شامل اے۔ سیکرٹری خارجہ فورم توں خطاب کریندے غزہ اچ جنگ بندی دا مطالبہ کیتا تے مسئلہ فلسطین دے حل سانڳے ھک جامع نقطہ نظر، فلسطین دی خود مختار ریاست دے قیام جیڑھا جو 1967 توں پہلے دی سرحداں تے مشتمل ہووے تے القدس الشریف ایندا دارالحکومت ہووے اتے اقوام متحدہ اچ فلسطین دی مکمل رکنیت دے نال فلسطینی کاز سانڳے پاکستان دے غیر متزلزل حمایت دا اعادہ کیتے۔ سیکرٹری خارجہ مشرق وسطیٰ اچ دیر تئیں امن سانڳے ع??لمی برادری دیاں کوششاں کوں تکھا کرݨ دی لوڑھ تے وی زور ݙتا
