اسلام آباد۔13نومبر(اے پی پی) وزیراعظم مح??د شہباز شریف پاکستان تے آذربائیجان وچال مضبوط تعلقات تے اطمینان دا اظہار کریندے ٹیکنالوجی، قابل تجدید توانائی اچ مشترکہ منصوبیں سودھے مختلف شعبیں اچ تعاون ودھاوݨ دا عزم کیتے ۔ وزیراعظم آفس دے پریس ونگ توں جاری بیان موجب عالمی رہنماؤاں دے کلائمی?? ایکشن سربراہی اجلاس (کاپ۔29) دے موقع تے وزیراعظم مح??د شہباز شریف دی آذربائیجان دے صدر الہام علیوف نال ملاقات تھئی ۔ وزیر اعظم شہباز شریف باکو اچ ورلڈ لیڈرز کلائمی?? ایکشن سمٹ دے کامیاب انعقاد تے صدر الہام علیوف کوں مبارخ ݙتی ۔ انھاں ماحولیاتی تبدیلی توں آندے چیلنجز نال نبݨݨ تے ایں حوالے نال بین الاقوامی تعاون ودھاوݨ دے صدر الہام علیوف دے وژن تے عزم دی تعریف کیتی ۔ ملاقات اچ وزیراعظم آکھیے ??اکستان زہریلی گیساں دے اخراج اچ معمولی حصہ ہووݨ دے باوجود موسمیاتی تبدیلیاں توں ساریں توں ودھ متاثر تھیوݨ آلے ملکاں اچ شامل اے انھاں آذربائیجان تے عالمی برادری نال ماحولیاتی تبدیلی متعلق چیلنجز تے کم کرݨ تے پاکستان دا عزم کیتے ۔ ݙوہیں رہنماواں پاکستان آذر بائیجان ݙوطرفہ تعلقات دے سارے پہلوواں دا جائزہ ڳھدا ۔ انھاں پاکستان تے آذربائیجان وچال مختلف شعبیں بالخصوص اقتصادی اتے دفاعی تعاون اچ سٹریٹجک شراکت داری کوں مزید مستحکم کرݨ تے عوامی رابطے دے نال نال ثقافتی تعلقات کوں تکڑا کرݨ دا عزم کیتے ۔ وزیراعظم پاکستان اتے آذربائیجان وچال تکڑے تعلقات تے اطمینان ککریندے ٹیکنالوجی، قابل تجدید توانائی اچ مشترکہ منصوبیں سودھے مختلف شعبیں اچ تعاون ودھاوݨ دا عزم کیتے ۔ ݙوہیں رہنما مشرق وسطیٰ دی صورتحال تے ٻئے علاقائی تے بین الاقوامی معاملات تے پیشرفت تے وی ڳالھ مہاڑ کیتی۔
